Պատմության մեջ առաջին անգամ Բուքինգեմյան պալատը կդառնա ֆուտբոլային խաղի անցկացման վայր՝ շնորհիվ Ֆուտբոլի բրիտանական ասոցիացիայի նախագահ, Քեմբրիջի դուքս Ուիլյամի:
Խաղը կանցկացի այսօր՝ հնագույն սիրողական ֆուտբոլային ակումբների՝ Civil Service-ի և Polytechnic-ի միջև: Խաղը կանցկացվի՝ ի պատիվ Ֆուտբոլային ասոցիացիայի 150-ամյակի և կդառնա հարգանքի նշան՝ սպորտի զարգացման հարցում կամավորների ներդրմանը:
Թագուհի Էլիզաբեթ II-ը պատրաստակամությամբ աջակցել է խաղն իր լոնդոնյան նստավայրում անցկացնելու թոռան գաղափարին, իսկ արքայազն Ուիլյամը մասնակցել միջոցառման նախապատրաստմանը:
Քեմբրիջի դուքսն այսօր մեդալներ կհանձնի 150 կամավորներին՝ փոխանցում է RIA Novosti-ն:
«Չեմ կարող նկարագրել, թե որքան ուրախ եմ, որ այսօր մենք ֆուտբոլ կխաղանք իմ տատիկի այգիներում: Մեկ նախազգուշացում. եթե ինչ-որ մեկն ապակի կոտրի, ապա պատասխան կտա նրա առջև»,- կատակել է արքայազն Ուիլյամը խաղի նախաշեմին:
