Ռուսաստանի օդատիեզերական ուժերի ինքնաթիռները երկու օրվա ընթացքում Դեյր Զորի շրջանում ոչնչացրել են ԴԱԻՇ-ի ծանր տեխնիկան, ինչպես նաև սպառազինությունների պահեստը և հրետանու դիրքերը: Այս մասին հաղորդում է RIA Novosti-ն՝ հղում անելով Ռուսաստանի ՊՆ-ին:
«Վերջին երկու օրերի ընթացքում ռուսական ինքնաթիռները ոչնչացրել են 9 միավոր ծանր տեխնիկա՝ ներառյալ 2 տանկ, հրետանու 6 կրակային դիրք, սպառազինության 3 պահեստ, վարչության կետը, ինչպես նաև ավելի քան 20 բեռնատար ավտոմեքենա՝ բեռնված վառելիքով, զենքով և սպառազինությամբ»,- հաղորդել են պաշտպանական գերատեսչությունում:.
ՊՆ-ում նաև հավելել են, որ Սիրիայի կառավարական զորքերը ռուսական օդատիեզերական ուժերի աջակցությամբ շարունակում են հաջող հարձակումը Դեյր Զորի ուղղությամբ՝ քաղաքը ապաշրջափակելու նպատակով:
