Կոմիտաս 5-ի բնակիչ Գոհար Սահակյանը ուզում է Երևանի քաղաքապետին և երկրի նախագահին հարցնել՝ ինչո՞ւ են մեկ մարդու շահն ավելի գնահատում, քան երկրի քաղաքացիների շահը:
Կոմիտաս 5-ի բնակիչներն այսօր քաղաքապետարանի դիմաց տեղի ունեցած բողոքի ակցիայի ժամանակ հայտարարեցին, որ ընթացող շինարարության հետևանքով իրենց շենքերը սկսել են ճաքել, որը հետագայում խնդիրներ կառաջացնի իրենց համար:
«Արդեն մի ամիս է մեր շենքերում, հարակից շենքերում ճաքեր են առաջացել: Մենք ասել ենք քաղաքապետին, մենք ասել ենք գլխավոր ճարտարապետին, մենք ասել ենք թաղապետին, մենք ասել ենք շինարարին, բայց նրանք ոչ մի միջոց չեն ձեռնարկում, չեն էլ գալիս տեսնելու, թե մինչև հիմա այդ գործողությունները կատարելուց հետո ինչ վնասներ ենք կրել»,- ասաց Կոմիտաս 5-ի բնակիչ Գոհար Սահակյանը:
Բնակիչները նշեցին, որ քաղաքապետարանում գլխավոր ճարտարապետն ասել է, որ Կոմիտաս 5-ում շինարարություն կատարելու թույլտվությունը տվել է Երևանի նախկին քաղաքապետ Գագիկ Բեգլարյանը:
Մանրամասները՝ մեր տեսանյութում:
