Հայաստանը, Ադրբեջանը և աշխարհի ևս 17 երկիր իրենց ՀՆԱ-ի նկատմամբ տոկոսային հարաբերակցությամբ պաշտպանության վրա ավելի շատ են ծախսում, քան ԱՄՆ-ը: Այս մասին հայտնում է rusarminfo.ru-ն՝ վկայակոչելով Խաղաղության խնդիրների ուսումնասիրման հարցերով ստոկհոլմյան ինստիտուտի (SIPRI) հետազոտությունը:
Այս ցուցանիշով բացարձակ առաջատար է Օմանը, որը պաշտպանության վրա ծախսում է ՀՆԱ-ի 16.2%-ը: Հաջորդը Հարավային Սուդանն է՝ 13.8%, Սաուդյան Արաբիան՝ 13.7%:
Չորրորդ և հինգերորդ տեղերում են՝ Ալժիրը (6.2%) և Ռուսաստանը (5.4%):
SIPRI-ի ցուցակում հաջորդն Ադրբեջանն է, որի ռազմական բյուջեն կազմում է ՀՆԱ-ի 4.6%-ը:
SIPRI-ի տվյալներով՝ Հայաստանը պաշտպանական ծախսերի համար հատկացնում է իր ՀՆԱ-ի 4.5%-ը:
ԱՄՆ-ը պաշտպանության վրա ծախսում է իր ՀՆԱ-ի 3.3%-ը, սակայն պաշտպանական ընդհանուր ծախսերի թվով ԱՄՆ-ը բացարձակ առաջատար է:
