Այսօր Ավանի ֆուտբոլի ակադեմիայում Հայաստանի ազգային հավաքականը երկրորդ բաց մարզումն անցկացրեց «Եվրո-2012»-ի ընտրական փուլի Ռուսաստան-Հայաստան հանդիպումից առաջ, ինչից հետո Յուրա Մովսիսյանը ճեպազրույց ունեցավ լրագրողների հետ: Ըստ մեր հավաքականի առաջատար հարձակվողի` եթե Հայաստանի ընտրանին իր իմացած ֆուտբոլը խաղա, ապա կապ չունի, թե ում դեմ կխաղա
«Ռուսաստանի հավաքականը լավ թիմ է և լավ ֆուտբոլիստներ ունի, բայց մենք էլ ենք լավը, լավ երիտասարդ ֆուտբոլիստներ ունենք: Իմ կարծիքով, կարող ենք լավ ֆուտբոլ ցույց տալ ու հաղթանակը ռեալ է: Բոլորն էլ գիտեն, որ Ադվոկատը շատ լավ մարզիչ է, բայց ես չեմ ուզում ուշադրություն դարձնել նրանց մարզչի, կամ իրենց թիմի վրա, քանի որ, եթե մենք մեր իմացած ֆուտբոլը խաղանք, ապա կապ չունի, թե ում դեմ կխաղանք»,- ասաց Յուրա Մովսիսյանն ու հավելեց, որ ինքը շատ լավ մարզավիճակում է: Վերջում էլ կատակեց. «թե ինչ հաշվով կավարտվի հանդիպումը, դա Նոստրադամուսը գիտի»:
Ստորև կարող եք դիտել հարցազրույցն ամբողջությամբ:
