Ամերիկյան People ամսագիրը հրապարակել է ամենաոճային աստղերի իր ամենամյա ցուցակը, որտեղ առաջին տեղը, ի զարմանս բոլորի, գրավել է 36-ամյա դերասանուհի Քերի Վաշինգտոնը:
People-ի ամենաոճային աստղերի ցուցակը նման չէ նորաձևության ավանդական վարկանիշային աղյուսակներին: Այն ընդամենը հինգ աստղի է ներառում, որոնցից մեկն էլ որոշակի ոլորտում դառնում է «ամենա-ամենա»-ն: Օրինակ, Ջենիֆեր Լոուրենսը ամենանորաձևն է համարվել (նա հագնվում է միայն Dior-ից), Նիկոլ Ռիչին հաղթել է «Տարվա Թրենդսեթեր» անվանակարգում, Զոու Սալդանին «Ջինսերի թագուհի» են անվանել, Էմմա Սթոունը հաղթել է դասականը և ժամանակակիցը համադրելու կարողությամբ, Ջեսիկա Չեսթեյնը լավագույնն է եղել կարմիր գորգերի վրա:
Աշխարհի ամենաոճային կինը, սակայն, Քերի Վաշինգտոնն է դարձել: People-ի խմբագիրները կարծում են, որ հենց նա է այս տարի նորաձևության մեջ կանացիություն ներմուծել:
«Ես նախընտրում են հագուստի մեջ հավասարակշռություն գտնել: Այսինքն՝ ես փորձում եմ հանգնվել ոչ թե միանձնուհու պես և ոչ էլ լողազգեստների մրցույթի մասնակիցների նման: Հարկավոր է ոսկե միջինը գտնել»,- howbiz.siteua.org-ի փոխանցմամբ՝ ասել է դերասանուհին:
