ՀՀ կառավարության աշխատակազմի և «Սմարթլայն» ՍՊԸ-ի միջև այս տարի ապրիլի 14-ին պայմանագիր է կնքվել: Կառավարության աշխատակազմին անհրաժեշտ է եղել նոր կահույք, մասնավորապես սեղան, գրասեղան, կցասեղան և բազկաթոռ:
Սեղանի նկարագիրը պայմանագրի տվյալների համաձայն հետևյալն էր՝ «գրասեղան՝ ղեկավարի», 22 մմ հաստությամբ լամինատից: Գրասեղանի չափսերն են՝ 160x70x75սմ: Գրասեղանն աջ կողմում ունի երեք քաշովի դարակաշար՝ կողպվող կենտրոնական փականով: Ձախ կողմում ունի համակարգչի լարերի համար նախատեսված անցք: Գույնը՝ նապոլեոն կեռաս:
Կցասեղանը՝ դարակներով-կողադիր սեղան, պատրաստված 22 մմ հաստությամբ լամինատից: Կողասեղանն ունի երկու բաց դարակաշար: Չափսերն են՝ 110x60x35 սմ: Գույնը՝ նապոլեոն կեռաս:
Բազկաթոռ-աշխատանքային, շարժական, 5 անիվներով, նիկելից խաչուկով: Նստատեղը կտորից, մեջքը՝ ցանցի և կաշվե համադրությամբ: Մեջքի բարձրությունը՝ 100 սմ: Գույնը՝ սև:
Սեղանները պատվիրվել են 7 հատ, որոնց հատն արժեցել է 80.000 դրամ, կցասեղանները 3-ն են եղել՝ 70.000 դրամ արժողությամբ, բազկաթոռները ևս 3-ը՝ յուրաքանչյուրը՝ 75.000 դրամ:
Նոր կահույքն արժեցել է 995 հազար դրամ։
