Ազգային ժողովում այսօր պետական պաշտոններ զբաղեցրած անձանց սոցիալական երաշխիքներ տալու ու Քննչական կոմիտեի աշխատակիցների կենսաթոշակի անցնելու վերաբերյալ հարցերի քվեարկության ժամանակ միջադեպ տեղի ունեցավ։
Քվեարկության պատկերը հետևյալն էր՝ կողմ 63, դեմ՝ 29, 1 ձեռնպահ։ «Ելք» խմբակցության ղեկավար Նիկոլ Փաշինյանն Ազգային ժողովի նախագահ Արա Բաբլոյանին առաջարկեց վերականգնել քվեարկության տեսապատկերը։
«Ուզում եմ ուշադրություն հրավիրեք այն փաստի վրա, որ Հանրապետական խմբակցության վերջին շարքում երկու բացակա կա, բայց մենք ուենք լրիվ քվեարկություն», – ասաց Փաշինյանը։
Ազգային ժողովի նախագահի առաջարկով եղավ վերաքվեարկություն, որից հետո պատկերը հետևյալն էր՝ կողմ 61, դեմ 35, ձեռնպահ չկա։
