Տեխասում գտնվող Six Flags զբոսայգին բացում է «Ամերիկյան բլուրներ» ատրակցիոնը, որը փակվել էր հուլիսին՝ 52-ամյա կնոջ ողբերգական մահվան պատճառով: Զբոսայգու սեփականատերերը վստահեցնում են, որ 2 ամսվա ընթացքում շտկել են բոլոր թերությունները, և այժմ կարուսելն անվնաս է:
Ողբերգությունը տեղի էր ունեցել հուլիսի 19-ին, երբ Ռոզա Էսփրազան ընկել էր մոտ 20 մ բարձրությունից: Խցիկում նրա առջև նստած դուստրն ու փեսան լսել էին նրա բղավոցները, հասկացել՝ ինչ է կատարվում, սակայն ոչինչ անել չէին կարողացել: Նրանցից բացի, կնոջ ընկնելը ոչ ոք չէր նկատել, իսկ ատրակցիոնի աշխատակիցները սկզբում չէին հավատացել պատահածին, գրում է Star-telegram.com-ը:
2 ամիս տևած զննումներից հետո կրկին թույլատրվել է ատրակցիոնը գործի գցել: Ղեկավարությունը պնդում է, որ այժմ բոլոր գոտիներն ավելի ամուր են, ավելացվել է նաև հավելյալ գոտի: Զբոսայգու ղեկավարը խոստացել է բացման օրն ընտանիքով նստել այդ կարուսելը:
