Ուկրաինայի նախագահ Պյոտր Պորոշենկոն, մեկնաբանելով Ուկրաինայի քաղաքացիների համար առանց վիզայի ռեժիմ սահմանելու որոշումը, հայտարարել է, որ Ուկրաինան կտրում է կապը հետխորհրդային անցյալի հետ: Այս մասին ասվում է նախագահի հայտարարությունում:
«Առանց վիզայի ռեժիմն ավելին է, քան արտասահման մեկնելու հեշտացված ռեժիմը: Դա վիթխարի քայլ է դեպի Եվրոպա, մարդու ազատությունների հաստատման և մեր պետության անկախության համար: Մենք կտրում ենք կապը հետխորհրդային անցյալի հետ և դառնում ենք միասնական եվրոպական քաղաքակիրթ տարածության մի մաս»,-հայտարարել է Պորոշենկոն:
Ավելի վաղ հաղորդել էինք, որ Եվրամիության խորհուրդն առանց վիզայի ռեժիմ է հաստատել Ուկրաինայի քաղաքացիների համար:
