«Ելք» դաշինքն ասյօր քարոզարշավ է իրականացնում Աջափնյակ վարչական շրջանում։ Քարոզարշավի ընթացքում միջադեպ է տեղի ունեցել։ Քարոզարշավի ընթացքում մի երիտասարդ տղամարդ մեքենայով փորձել է շենքի բակ մտնել, իսկ հետո դուրս է եկել մեքենայից և վիճաբանություն է տեղի ունեցել։ Երիտասարդը պահանջել, որ իրեն չնկարահանեն:
«եթե ձեզ շարունակեք ըսենց պահել, էսօր մենք ոստիկանությունում իրար հետ կխոսանք»,- երիտասարդին է դիմել քաղաքապետի թեկնածու Նիկոլ Փաշինյանը, ինչին ի պատասխան քաղաքացին ասել է. «Խի՞ ես ոստիկանություն կանչում… արա, այ ախպեր, մի նկարի, եքա մարդ ես, ամոթ ա»: Այնուհետեւ երիտասարդը նստել է մեքենան եւ հեռացել:
Նիկոլ Փաշինյանը զանգահարել է ոստիկանություն: «Ես 15 րոպե անընդհատ ձեզ եմ զանգում: Էս որտեղ ա լսված, որ ոստիկանություն զանգեն ու չպատասխանեն: BMW մակնիշի մեքենան բակերում, խաղահրապարկների արանքներում մեծ արագությամբ վարում է մեքենան: Հանձնարարեք պետավտոտեսչությանը, որ հայտնաբերեն մեքենան եւ համապատասխան միջոցներ ձեռնարկեն: Հետո ինձ կզանգահարեք եւ կզեկուցեք, թե ինչ եք արել: Ես սա ասում եմ, որպես այս ընտրատարածքից ընտրված պատգամավոր»,- ոստիկանության աշխատակցին դիմել է Նիկոլ Փաշինյանը:
Մանրամասները՝ տեսանյութում:
