Անդրադառնալով վարչական ռեսուրսի չարաշահման մասին փաստող, նախընտրական շրջանում կատարված ձայնագրությունների և գաղտնալսումների կարևորությանը՝ ՀԱԿ խմբակցության ղեկավար Լևոն Զուրաբյանը նշեց. «Հայաստանում ստեղծվել է ճնշումների մի ամողջատիրական համակարգ, թեև ամբողջ Հայաստանը գիտի, որ ՍԱՍ-ի Արտակը մենակ չէ, այլ բոլոր թեկնածուները նույն բաներն արել են, միգուցե ավելի դաժան մեթոդներով, ընտրակաշառք է բաժանվել, եղել են ճնշումներ ոչ միայն դպրոցների ու մանկապարտեզների, այլ նաև պետական ենթակայության այլ հիմնարկների աշխատակիցների վրա, բայց դրանք չեն բացահայտվում, որովհետև մարդիկ վախենում են հաղորդել այդ մասին, քանի որ շատ լավ գիտեն, որ իրավապահ մարմինները մասնակից են ընտրակեղծարարության բռնաճնշումային համաակարգին և ոչ թե կբացահայտեն, այլ կպարտակեն և կպատժեն հաղորդում տվողներին: Այս պարագայում գաղտնի ձայնագրությունների բացահայտումը դառնում է միակ միջոցը՝ երևան բերելու ապացույցները»:
«Դեմագոգիա կարող է լինել. Սահմանադրական դատարանը հնարավոր է ստուգում է՝ ընթացակարգի հետ կապված մի քանի բան ճիշտ է արվել, թե սխալ, այլ ոչ թե ուսումնասիրում է ընտրական գործընթացը և տեսնում, թե ընտրությունների արդյունքները արդյոք կարող են ազդել ընտրությունների վրա: Եթե այդպես վարվի, ապա Սահմանադրական դատարանը թքած կունենա սահմանադրության եթե ոչ տառի, ապա ոգու վրա»,- նշեց Լևոն Զուրաբյանը:
Մանրամասները՝ տեսանյութում:
