Բոլորովին վերջերս հանրությունը հնարավորություն ունեցավ գնահատելու CR Fashion Book ամսագրի երրորդ համարի շապիկը և նրա գլխավոր հերոսուհի Քիմ Քարդաշյանին: Իսկ օրեր առաջ ամսագրի գլխավոր խմբագիր Կարին Ռոյթֆելդը մեկնաբանել է հեռուստաաստղի հետ համատեղ աշխատանքը նկարահանման հրապարակում և ընդունել է, որ Քանյե Ուեսթի հարսանցուի հետ համագործակցությունը միայն մեծ հաճույք է:
«Նա ամենահաճելի մոդելներից մեկն է, ում հետ ես երբևէ աշխատել եմ: Քիմը, իհարկե, պրոֆեսիոնալ մոդել չէ, բայց նկարահանման ժամանակ նա հղի էր, իսկ ես, ճիշտն ասած, պաշտում եմ հղի կանանց: Ես երդվում եմ, Քարդաշյանը շատ լավ աղջիկ է և նկարահանումների ողջ ընթացքում նա ոչնչից չի դժգոհել»,- նշել է նա:
Կարինը նաև պատմել է, թե ինչպես է ծանոթացել Քարդաշյանի հետ և որոշել նրա լուսանկարը հրապարակել ամսագրի շապիկին: Պարզվում է, որ գլխավոր խմբագրին և ամսագրի ապագա մոդելին ծանոթացրել է Քանյե Ուեսթը: Նա երկար ժամանակ ծանոթ է Ռոյթֆելդի հետ և մի անգամ ծանոթացրել է սիրելիին լավ ընկերուհու հետ:
«Քանյեն երկար ժամանակ է՝ հետաքրքրվում է նորաձևությամբ և լավ գլուխ է հանում դրանից: Հենց ես ծանոթացա Քիմի հետ, ես որոշեցի նրա մասին պատմություն սարքել: Իմ առաջարկին նա անհապաղ համաձայնեց: Իմ կարծիքով, Քանյեն ու Քիմը սովորական սիրահարված զույգ են»,- հավելել է նա:
Կարինը նաև նշել է, որ դեռ չի հասցրել ծանոթանալ զույգի նորածին դստեր հետ, բայց դատելով լուսանկարներից՝ նա ուղղակի հրաշք է:
