«Ազգ-բանակ-2017» խորագրով համաժողովի ժամանակ ՀՀ պաշտպանության նախարար Վիգեն Սարգսյանը հանրային քննարկում մեկնարկելու նպատակով «Ազգ-բանակ» հայեցակարգի ներքո շրջանառության մեջ դրեց երկու նոր նախագիծ՝ «Ես եմ», «Պատիվ ունեմ»: Նորակոչիկներին առաջարկվում է ծառայել 3 տարի 5 մլն դրամի դիմաց:
Պաշտպանության նախարարության մամուլի խոսնակ Արծրուն Հովհաննիսյանը մեզ հետ զրույցում մանրամասնեց, որ «Ես եմ» ծրագիրը ենթադրում է. «Ծառայությունը կտևի 3 տարի՝ ավելի բարվոք պայմաններով՝ ամեն ամսվա մեկ շաբաթը` արձակուրդում: Ծառայության ավարտին զինծառայողին կտրվի 5 մլն ՀՀ դրամ, որը կրթական հարց լուծելու, փոքր բիզնես սկսելու կամ մատչելի բնակարան ձեռք բերելու (սուբսիդավորված հիփոթեքային ծրագիր) հնարավորություն կտա»:
«Մարդը գրեթե ընտրություն չունի, պետք է ծառայի, իսկ այս դեպքում հնարավորություն է տրվում ընտրել ավելի լավ տարբերակ»,- նշեց Ա. Հովհաննիսյանը՝ հավելելով, որ իր կարծիքով՝ սա փայլուն հնարավորություն է երիտասարդի համար: Նա անդրադարձավ նաև «Պատիվ ունեմ» նախագծին, տարկետման կարգին:
ՊՆ խոսնակը, անդրադառնալով այսօր տիրող իրավիճակին, վստահեցրեց, որ առաջնագծում աշխատանքները շարունակվում են, և մեր բանակը համալրվել է բազմաթիվ զինատեսակների նոր խմբաքանակով. «Ամեն ինչ չէ, որ ասում են, ամեն ինչ չէ, որ ցուցադրում ենք, պետք չէ հակառակորդին գլխի գցել»:
Մանրամասները՝ տեսանյութում:
