Իրանի նախագահ Հասան Ռոուհանին ՌԴ նախագահ Վլադիմիր Պուտինի հրավերով պաշտոնական այցով ժամանել է Մոսկվա` տեղեկացնում է tass.ru-ն:
Ինչպես սպասվում է, արդեն մարտի 27-ին Ռոուհանին բանակցություններ կվարի ՌԴ վարչապետ Դմիտրի Մեդվեդևի հետ: Պուտինի հետ բանակցությունները ծրագրված են մարտի 28-ին:
Առաջիկա հանդիպումը թվով իններորդը կդառնա Ռոուհանիի նախագահության ոչ լրիվ չորս տարվա ընթացքում: Ինպես ավելի վաղ հայտնել Է Կրեմլի մամուլի ծառայությունը, բանակցություններում նախատեսվում Է քննարկել երկկողմ համագործակցության հարցերը, ինչպես նաեւ շարունակել կարծիքների փոխանակումը համաշխարհային և տարածաշրջանային օրակարգի հրատապ թեմաների շուրջ:
Իրանական ԶԼՄ-ների տեղեկատվության համաձայն՝ Մոսկվա այցի ընթացքում Ռոուհանիին ուղեկցում են արտաքին գործերի նախարար Մոհամադ Ջավադ Զարիֆը, տեղեկատվական-հաղորդակցական տեխնոլոգիաների նախարար, ռուս-իրանական միջկառավարական հանձնաժողովի համանախագահ Մահմուդ Վայեզին, առաջին փոխնախագահ Էսհակ Զահանգիրին, Իրանի ղեկավար այաթոլլա Ալի Համենեիի՝ միջազգային հարցերով խորհրդական Ալի Աքբար Վելայաթին:
Պատվիրակության կազմում են նաև Իրանի նավթի նախարար Բիժան Նամդար Զանգանեն, Իրանի Կենտրոնական բանկի նախագահը և այլ պաշտոնատարներ: Բացի այդ, այս ուղևորությանը մասնակցում Է Իրանի գործարար շրջանների ներկայացուցչական պատվիրակությունը: