ԱՄՆ նախագահ Դոնալդ Թրամփը հայտարարել է, որ իր և արտասահմանյան ղեկավարների միջև եղած հեռախոսազրույցների տեղեկությունների արտահոսքի մեջ մեղավոր են ԱՄՆ նախկին նախագահ Բարաք Օբամայի մարդիկ: Այդ մասին նա ասել է Fox News-ին տված հարցազրույցում:
«Ամոթալի է, որ նրանք արտահոսք են թույլ տվել, որովհետև դա հակասում է մեր երկրի շահերին: Դա շատ վտանգավոր բան է այս երկրի համար»,- ասել է Թրամփը:
Նրա խոսքերով հենց «Օբամայի մարդիկ» են ԶԼՄ-ներին փոխանցել Մեքսիկայի և Ավստրալիայի ղեկավարների հետ ունեցած իր զրույցի մանրամասները: Թրամփը նշել է, որ Օբամայի վարչակազմի աշխատակիցները դեռ աշխատում են Սպիտակ տանը և Ազգային անվտանգության խորհրդում:
