Եվրոպայի խորհուրդը Լոնդոնից բացատրություն է պահանջել այն բանից հետո, երբ Մեծ Բրիտանիայի իշխանությունները Սնոուդենի տրամադրած գաղտնի նյութերի ոչնչացման հայց են ներկայացրել Guardian-ին: Եվրոպայի խորհրդի պահանջը հաջորդել է նաև պարբերականի թղթակցի ընկերոջ հարցաքննությանը:
47 երկիր միավորող կառույցի գլխավոր քարոտուղար Թորբյորն Յագլանդը Միացյալ թագավորության ներքին գործերի ղեկավար Թերեզա Մեյին խնդրել է պարզաբանել իրադարձությունները:
Ավելի վաղ Բրազիլիայի ԱԳՆ-ն պահանջել էր Բրիտանիայի ԱԳՆ-ից վերադարձնել համակարգիչը և այլ սարքավորումներ, որոնք Հիթրոու օդանավակայնում առգրավվել էին լրագրող Դևիդ Միրանդայից:
Ինչպես սպասվում է՝ Միրանդայի փաստաբաններն այսօր երեկոյան փաստաղթեր կներկայացնեն Լոնդոնի Գերագույն դատարան՝ սահմանափակելու առգրավված սարքերից օգտվելու իշխանությունների հնարավորությունը:
Միևնույն ժամանակ, փաստաբանները պատրաստվում են վիճարկել իրեն պաշտպանյալին պահելու օրինականությունը և ստանալ պարզաբանումների, թե ինչ նպատակով են առգրավվել լրագրողական նյութերը:
Guardian-ի գնահատականով՝ ստեղծված իրավիճակում Եվրոպայի խորհրդի միջամտությունը միայն կամրապնդի Միրանդայի դիրքերը:
Անցած երկուշաբթի Guardian-ի լրագրող Գլեն Գրինվալդը, որ աշխատում է Էդվարդ Սնոուդենի հետ, հայտնել էր ավելի ագրեսիվ գործելու մտադրության մասին այն բանից հետ, երբ Մեծ Բրիտանիայի իշխանություններն օդանավակայանում ձերբակալել էին նրա ընկերոջը՝ Դևիդ Միրանդային:
