«ՀՀԿ անդամությունը դադարեցնելը որևէ կերպ չի կարող ազդել Գայանե Սողոմոնյանի հետագա աշխատանքի վրա։ Գայանե Սողոմոնյանը այսօր էլ եկել է աշխատանքի և կշարունակի աշխատել իր պաշտոնում»,- «Առաջին լրատվական»-ի հետ զրույցում ասաց Երևանի քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանը՝ պատասխանելով հարցին, թե կշարունակի՞ արդյոք պաշտոնավարել ՀՀԿ-ն լքած տիկին Սողոմոնյանը։
Նշենք, որ Վերահսկիչ պալատի նախագահ Իշխան Զաքարյանի կինը, ով զբաղեցնում է քաղաքապետարանի հանրակրթության վարչության պետի պաշտոնը, երեկ կասեցրել է իր անդամությունը ՀՀԿ-ին։
Բանն այն է, որ Գյանե Սողոմոնյանի ամուսինը՝ Իշխան Զաքարյանը, Գագիկ Ծառուկյանի՝ քաղաքականություն վերադարձից հետո հայտարարել է նրա կողքին կանգնելու մասին և առաջիկայում կղեկավարի «Ծառուկյան» դաշինքի նախընտրական շտաբը։ Նա ևս դիմում է գրել հեռանալու Վերահսկիչ պալատի նախագահի պաշտոնից։
