Մի քանի օր առաջ Էմբեր Հերդը և Ջոնի Դեպը պաշտոնապես բաժանվել են:
Հիշեցնենք՝ համաձայն նախկին ամուսնինների միջև ձեռքբերված համաձայնագրի՝ Դեպը Հերդին 7 մլն դոլար պետք է վճարեր, որը, դերասանուհին մտադիր էր նվիրաբերել բարեգործական նպատակներով: Դեպը փողը Հերդի հաշվին չի փոխանցել, այլ ուղարկել է այն կազմակերպությունների հաշիվներին, որոնք իր հայտարարության մեջ նշել էր Էմբերը:
Ըստ լրագրողների՝ այդպիսով Դեպը խափանել է Հերդի ծրագրերը, քանի որ, ըստ ամենայնի, նա ոչ ամբողջ գումարն էր պատրաստվում նվիրաբերել կարիքավորներին: Օրերս դրա հաստատումն է հայտնվել: Պապարացիները Հերդին լուսանկարել են «Ամեն ինչ 99 ցենտով» խանութից դուրս գալիս: Դատելով արկղից, որը տանելիս է եղել օգնականը, նա շատ գնումներ է կատարել և դրանցից գոհ է մնացել: Լրագրողները վստահ են, որ էժան խանութ գնալը հարկադիր քայլ է, քանի որ հիմա Հերդը պետք է խնայի, հայտնում է Starslife-ը:
Շշուկներ են շրջանառվում, որ Դեպի կինը եղած ժամանակ դերասանուհին ամուսնու փողերն է ծախսել, իսկ իր կարողությունը, որը գնահատվում է 9 մլն դոլար, բանկում է պահել: Մամուլը չի հասկանում՝ ինչու է Հերդը ստիպված խնայել, չէ՞ որ շշուկների համաձայն՝ հիմա դերասանուհին բուռն զարգացող սիրավեպ ունի միլիարդատեր Իլոն Մասքի հետ, որը Դեպի նախկին կնոջը ոչնչում չի մերժում:
