«Ելք» դաշինքի ուշադրության կենտրոնում է գտնվելու կրթության բարձրացման հարցը», -այս մասին դաշինքի համաժողովին հայտարարեց «Քաղաքացիական պայմանագիր» կուսակացության վարչության անդամ Արայիկ Հարությունյանը:
Նրա խոսքով՝ օրերս Դավոսում հրապարակված թվերը ցույց են տալիս՝ Հայաստանը զգալի նահանջ է արձանագրում այս ոլորտում, մասնավորապես, ՀՀ-ն ընդհանուր կրթական ցուցանիշներով 118 պետությունների շրջանում 109-րդն էր, մինդչեռ 2013 թվականին զբաղեցնում էր 74-րդ տեղը:
Արայիկ Հարությանի հավաստմամբ՝ դաշինքը կարևորում է բանակային կրթությունը: «Բանակը կրթական օղակներից մեկն է և դրա կարևոր գործառույթներից մեկը սպայական և զինվորական անձնակազմին ոչ միայն ռազմական գիտելիքներ տրամադրուն, այլև ընդհանուր կրթական մակարդակի բարձրացումն է: Պետք է զինվորը բանակից վերադառնա նոր գիտելիքներով», – ընդգծեց նա:
«Ձևավորում են հսկայական դաշիքներ և հայտարարում են, որ պատրաստ են վերափոխել Հայաստանը: Դպրոցական լեզվով ասած՝ որոշ ծույլիկներ դաշինքներ են ձևավորում և ուզում են դպրոցը վերափոխել»,- նշեց Արայիկ Հարությունյանը:
Նա ընդգծեց, որ ստեղծված իրավիճակից ելք կա, քանի որ ի տարբերություն իշխանությունների, «Ելքը» հասկանում է իր անելիքները:
Մանրամասները՝ տեսանյութում:
