Բրիտանական Reuters լրատվական գործակալության փոխանցմամբ՝ Ճապոնիայի վարչապետ Սինձո Աբեն երկրի գործող վարչապետներից առաջինը կայցելի Պերլ Հարբոր։
Այցն իրականացվելու է ԱՄՆ նախագահ Բարաք Օբամայի հետ համատեղ։ Սինձո Աբեն հայտարարել է, որ կցանկանար ցուցադրել Երկրորդ համաշխարհային պատերազմի արհավիրքներին վերջ դնելու վճռականությունը.
«Ես կայցելեմ Փեռլ Հարբոր՝ նախագահ Օբամայի հետ համատեղ։ Այդ այցն ուղղված կլինի զոհվածների հոգիների հանգստությանը»։
Ընդգծվում է, որ Աբեն Հավայան կղզիներ կայցելի դեկտեմբերի 26-27-ին և ծրագրում է բարձր մակարդակով եզրափակիչ հանդիպումն անցկացնել ԱՄՆ նախագահի պաշտոնից հեռացող Բարաք Օբամայի համար։
Ընթացիկ տարում Օբաման դարձավ ԱՄՆ նախագահներից առաջինը, ով այցելեց ճապոնական Հիրոսիմա քաղաք, որի վրա ԱՄՆ-ն ատոմային ռումբ էր նետել 1945 թվականի օգոստոսին։
