Հայաստանում ամենաբարձր աշխատավարձը ֆինանսական և ապահովագրական ոլորտում է: Ըստ Ազգային վիճակագրական ծառայության տվյալի` 2013թ.-ի մայիսին այս ոլորտում միջին ամսական անվանական աշխատավարձը հասել է 340 հազար դրամի (339 608 դրամ):
Աշխատավարձի չափով երկրորդը հանքագործական արդյունաբերության ոլորտն է` ավելի քան 326 հազար դրամով (326 431 դրամ), և աշխատավարձային եռյակը եզրափակում է տեղեկատվության ու կապի ոլորտը մոտ 293 հազար դրամ ամսական աշխատավարձով (292 714 դրամ):
Ամենացածր աշխատավարձը սպասարկման այլ ծառայությունների, մշակույթի և կրթության ոլորտներում է ( մոտ 98 հազարից 101 հազար դրամ):
Պետք է միայն նշել, որ Հայաստանում մայիսին միջին ամսական անվանական աշխատավարձն ավելի քան 144 հազար դրամ է(144 124):
