Սլովենացի մոդել Մելանիա Թրամփը, ով ամուսնացած է ԱՄՆ նախագահի հանրապետական թեկնածու Դոնալդ Թրամփի հետ, միգրացիայի սկզբնական շրջանում ԱՄՆ-ում աշխատել է ապօրինի։ Այս մասին հայտնում է Associated Press-ը՝ վկայակոչելով անհայտ աղբյուրների կողմից գործակալությանը տրամադրած եկամուտների հաշվառման գրքույկը։
Հայտնի է դարձել, որ Մելանիան, չունենալով աշխատանքային վիզա, երկիր ժամանելով առաջին շրջանում կնքել է 20 հազար դոլար ընդհանուր արժեքով 10 մոդելային պայմանագիր։
Մելանիան բազմիցս հայտարարել է, որ երբեք չի խախտել միգրացիայի մասին ԱՄՆ օրենքները և ստացել է ամերիկյան քաղաքացիություն օրինական ճանապարհով՝ դրանով իսկ աջակցելով ամուսնու մտադրությանը՝ հաղթանակի դեպքում խստացնելու ներգաղթյալների ընդունման ընթացակարգը։
