Բրիտանական Reuters լրատվական գործակալության փոխանցմամբ՝ ԱՄՆ պաշտպանության նախարար Էշթոն Քարթերը հայտարարել է, որ ԱՄՆ-ն ու նրա գլխավորած միջազգային դաշիքնի ուժերը պատրաստվում են Սիրիայի Ռաքքա քաղաքի արգելափակման գործողությանը։
Պենտագոնի ղեկավարը միջազգային դաշինքի երկրների պաշտպանության նախարարների հետ հանդիպումից հետո հայտարարել է, որ իրենք սկսել են նախապատրաստական գործողություններ Ռաքքան արգելափակելու համար։
Քարթերը չի մանրամասնել տվյալ գործողության անցկացման մանրամասները կամ ժամկետները, սակայն ընդգծել է, որ դրա մեկնարկը սարերի հետևում չէ։
Հոկտեմբերի 21-ին ԱՄՆ պետքարտուղարի օգնական Թոնի Բլինկենը հայտարարել է, որ իրաքյան Մոսուլի ազատագրումից հետո կգա սիրիական Ռաքքայի ազատագրման հերթը։
