Չորեքշաբթի Հռոմի օլիմպիական մարզադաշտում տեղի է ունեցել «Խաղաղության հանդիպում»՝ ընկերական հանդիպում, որին մասնակցել են համաշխարհային ֆուտբոլի այնպիսի աստղեր, ինչպիսիք են Դիեգո Մարադոնան, Ֆրանչեսկո Տոտին, Ռոնալդինյոն, Կաֆուն: Այս մասին հայտնում է RIA Novosti-ն:
«Խաղաղության հանդիպման» գաղափարը ֆուտբոլի մեծ սիրահար Հռոմի պապ Ֆրանցիսկոսինն է: Չորեքշաբթի պապը Վատիկանում ընդունել է այդ հանդիպման կազմակերպիչներին ու մասնակիցներին և շնորհակալություն հայտնել բարեգործական ակցիային մասնակցելու համար:
«Միասին հանուն խաղաղության» նշանաբանի ներքո անցկացվող հանդիպման հաշիվը երկրորդ րոպեին բացել է Անտոնիո Դի Նատալեն: Խաղն ավարտվել է Մարադոնայի «Կապույտ» թիմի նկատմամբ Ռոնալդինյոյի «Սպիտակ» թիմի հաղթանակով (4:3): Հաղթողների թիմում աչքի են ընկել Ֆրեդերիկ Կանուտեն (5-րդ րոպե), Բոյան Կրկիչը (34-րդ րոպե), Էռնան Կրեսպոն (67-րդ) և Ֆերնանդո Կավենագին (78-րդ): «Կապույտների թիմում գոլի հեղինակ են դարձել նաև Ֆրանչեսկո Տոտին (22-րդ) և Նիկոլաս Բուրդիսոն (68-րդ):
Ակցիայի արդյունքում հավաքված միջոցները կուղղվեն մարդասիրական նպատակների, այդ թվում՝ օգոստոսի 24-ին Իտալիայի կենտրոնում ավերիչ երկրաշարժից տուժածներին օգնության համար:
