Ռուսական TASS լրատվական գործակալության փոխանցմամբ՝ Թուրքիայի էկոնոմիկայի նախարար Նիհաթ Զեյբեքջին չի բացառել, որ Ռուսաստանի հետ ազատ առևտրի մասին համաձայնագիրը կարող է պատրաստվել մինչև 2017 թվականի կեսը:
Զեյբեքջին համապատասխան հայտարարությունն արել է Ստամբուլում անցկացված ռուս-թուրքական առևտրային-տնտեսական համագործակցության հարցերով համախառն միջկառավարական հանձնաժողովի նիստում:
«Թուրքիան ու Ռուսաստանը շատ արագ աշխատում են ազատ առևտրի մասին համաձայնագրի պատրաստման համար: Մենք ծրագրում ենք, որ արդեն 2017 թվականի կեսին կկարողանանք հասնել համաձայնագրի մշակման եզրափակմանը:
Թե որ ոլորտների վրա հետագայում կտարածվի ազատ առևտրի մասին համաձայնագիրը, մենք կպարզենք հետո: Մեր նպատակը երկկողմ առևտրի բոլոր խոչընդոտների վերացումն է և մեր հարաբերություններն ընդլայնելը»,- ասել է նա:
