«Դեռևս հաղթելու հնարավորություն կա»: Այս մասին լրագրողների հետ զրույցում ասաց «Լուսավոր Հայաստան» կուսակցության վարչության անդամ, Վանաձորի քաղաքապետի թեկանածու Քրիստ Մարուքյանը:
«Բոլորը, այդ թվում նաև իշխող կուսակցությունը խոստանում էին, որ գնալու են մաքուր, թափանցիկ ընտրությունների, սակայն դիմեցին հին ավանդական մեթոդներին՝ լայնամասշտաբ, բացեիբաց իրականացնելով ռեսուրսների, լծակների չարաշահում, դիմեցին կարուսելի, ընտրակեղծիքների, փող բաժանելու… դրա մեջ փորձառու բազում մարդիկ ունեն իրենք: Այդուհանդերձ մենք ստացանք ժողովրդի աջակցությունը, և դա արձանագրվեց. ժողովրդի 63 տոկոս ընդդիմադիր զանգված կա Վանաձորում, որը ցանկություն չունի թույլ տալու, որ ՀՀԿ-ն շարունակի այս քաղաքի կառավարումը»,- նշեց Ք. Մարուքյանը:
Նա նաև ընդգծեց. «Դեռևս հաղթելու հնարավորությունը առկա է, այդ օրակարգը բացված է քննարկման համար. սպասում ենք արձագանքների: Տեսնենք թե ինչ ճանապարհով կընթանան զարգացումները»: «Լուսավոր Հայաստան»-ը սպասում է ԲՀԿ-ի և ՀՎԿ-ի պատասխանին:
Մանրամասները՝ տեսանյութում:
