Սոցիոլոգիական հարցման տվյալների համաձայն՝ «Batkivshchyna» խորհրդարանական ընդդիմադիր թևի առաջնորդ Յուլիա Տիմոշենկոն առաջ կանցնի Ուկրաինայի ներկա նախագահ Պյոտր Պորոշենկոյից, եթե մոտակա ժամանակներում անցկացվեն նախագահական ընտրություններ, հայտնում է gazeta.ru-ն:
Պյոտր Պորոշենկոյից առաջ կանցնի նաև «Ընդդիմադիր բլոկ» խորհրդարանական ընդդիմադիր թևի առաջնորդ Յուրի Բոյկոն:
«Եթե Ուկրաինայի նախագահական ընտրությունները տեղի ունենային մոտակա ժամանակում, ապա հարցվածների մեկ երրորդը միանշանակ դրան կմասնակցեր: Նրանց մեջ, ովքեր մտադիր են քվեարկել և կողմնորոշվել ընտրություններում, Յուլիա Տիմոշենկոյին կաջակցեին 17,7%, Յուրի Բոյկոյին՝ 11,5%, իսկ Պյոտր Պորոշենկոյին 10,7%»,- ասված է սոցխմբի հաղորդագրությունում:
Հարցումը տեղի է ունեցել 2016 թվականի օգոստոսի 18-23-ը, որին մասնակցել են 18 տարեկանից մեծ 2 հազար մարդ:
