Շափյուղաներով և ադամանդներով զարդարված անգլիական թագի արտասահման տանելու ժամանակավոր արգելքը մտցրել է Մեծ Բրիտանիայի մշակույթի նախարարությունը, հայտնում է BBC-ն:
Այդ ձևով կառավարությունը փորձում է արգելել թագի վաճառքը արտասահմանում: Դրա հավանականությունը չափազանց մեծ է, քանի որ երկրում այնպիսի գնորդ չի գտնվել, ով պատրաստ լինի վճարելու 5 միլիոն ֆունտ (ավելի քան 6.6 միլիոն դոլար):
Քանի որ թագը գտնվում է մասնավոր հավաքածուում, նրա տերը փաստաթղթերը ներկայացրել է այն դուրս բերելու թույլտվություն ստանալու համար, սակայն մշակույթի նախարարը մերժել է՝ նշելով, որ թագը խորհրդանշում է «սիրո ամենահայտնի պատմությունը»: Փորձագետները ընդունել են, որ թագը անքակտելիորեն կապված է ազգային պատմության հետ: Այդ կապակցությամբ վերջնական որոշում կկայացվի դեկտեմբերի 27-ին:
Արքայազն Ալբերտը (գերմանացի դուքս Սաքսոն Կոբուրգ Գոտան) անձամբ է մտածել թագի դիզայնը Վիկտորիայի հետ իր հարսանիքի համար 1840 թվականին: Ժամանակակիցների կարծիքով՝ Վիկտորիան և Ալբերտը եղել են կատարյալ զույգ: Նրանք ունեցել են 9 երեխա:
