Երգչուհի Ուիլոու Սմիթը հանրության դատին է ներկայացրել իր նոր՝ Summer Fling երգի տեսահոլովակը: Այս մասին հաղորդում է People-ը: Չնայած որ աղջկա ծնողները՝ Ուիլը և Ջադան, գոհ են տեսահոլովակից, այն առաջացրել է մյուս ծնողների դժգոհությունը:
Վերջիններս ուղղակի չեն ցանկանում, որ իրենց դեռահաս երեխաները կրկնօրինակեն Ուիլոուի տեսահոլովակի կերպարներին: Նրանց հատկապես դուր չի եկել, որ տեսահոլովակում 12-ամյա Սմիթը գրկախառնվում և սիրախաղ է սկսում երիտասարդի հետ, «թռչում» նրա ձեռքերի վրա և անհամեստորեն պարում գրեթե մերկ իր ընկերուհիների հետ:
Քննադատության է արժանացել նաև երգի հետևյալ միտքը. «Մենք դեռևս մի քանի ամիս ունենք, սակայն, միևնույն է, մենք դա կանենք»:
Քննադատվել են նաև այլ արտահայտություններ. «Դու ինձ ասում ես, որ ես քո միակն եմ, իսկ ես պատասխանում եմ, որ այդ ամենը միայն հաճույքի համար է: Ցանկանում եմ քեզ հետ գրկախառնված ավազին պառկել, և որ դա երբեք չվերջանա»:
Երգչուհու պաշտպանները, սակայն, պնդում են, որ տեսահոլովակում երեխաներն ուղղակի խաղում են, նրանք ամառային արձակուրդներ են անցկացնում՝ լողալով լողավազանում, կրակելով ջրային ատրճանակներից և թռչելով ցանցի (բատուտի) վրա:
