Միջազգային վարկանշային Standard & Poor’s (S&P) գործակալությունը հաստատել է Գերմանիայի ինքնավար երկարաժամկետ վարկանիշը, որը գտնվում է AAA մակարդակի, ինչպես նաև երկրի կարճաժամկետ ինքնավար վարկանիշը, որը գտնվում է A-1+ մակարդակների վրա: Երկարաժամկետ վարկանիշի վերաբերյալ S&P-ի տեղեկատվության մեջ ասվում է, որ այն «կայուն է»:
Ինչպես նշում են S&P-ի մասնագետները՝ այդքան բարձր աստիճանը վկայում է Գերմանիայի բազմազան ոլորտներ ունեցող տնտեսության մրցունակության բարձր մակարդակի մասին, որըկայուն է նաև տարբեր տնտեսական և ֆինանսական ցնցումների նկատմամբ: Երկրի տնտեսությունը ժամանակակից է, իսկ հարկային և բյուջետային հարցերում երկրի քաղաքականությունը, S&P-ի կարծիքով, բավականին խելամիտ է:
Չնայած 2013 թ. սպասվող ՀՆԱ-ի աճի դանդաղեցմանը մինչև 0,4 %՝ S&P-ի վերլուծաբանները 2013-2016 թթ. ազգաբնակչության յուրաքանչյուր շնչի համար ՀՆԱ-ի 1 % են կանխագուշակում:
Գերմանիայի տնտեսական մոդելը շարունակում է սնվել մաքուր արտահանման և հիմնական կապիտալում ներդրումների, ինչպես նաև երկար տարիներ տևած ձևափոխումների շնորհիվ առաջացած մրցունակության հաշվին:
Փորձագետները նշում են նաև, որ երկրի տնտեսությունը հայտնվել է եվրոգոտու խորացող ֆինանսական ճգնաժամի ազդեցության տակ:
