ԱՄՆ-ն առաջիկա շաբաթներին մտադիր է Եգիպտոս ուղարկել F-16 չորս կործանիչ, հաղորդում է «Ալ-Ջազիրա» հեռուստաալիքը:
Հաղորդվում է, որ Վաշինգտոնը 2012 թ. դեկտեմբերին Եգիպտոսին ուղարկել է F-16 ութ կործանիչ: 2014 թ. հունվարին ԱՄՆ-ը նախատեսում է մատակարարել ևս ութ կործանիչ:
Մոտակա ժամանակներս կործանիչների մատակարարումն ԱՄՆ-ը մեկնաբանում է Եգիպտոսում տիրող իրավիճակով:
Հիշեցնենք, որ անցած շաբաթ Եգիպտոսի բանակն իշխանությունից զրկել էր Մուհամմեդ Մուրսիին՝ ժամանակավորապես դադարեցնելով սահմանադրության գործունեությունը: Երկրի ժամանակավոր նախագահ է նշանակվել Սահմանադրական դատարանի նախագահ Ադլի Մանսուրը:
