Sputnik լրատվական գործակալության փոխանցմամբ՝ Վրաստանի նորանշանակ պաշտպանության նախարար Լևան Իզորիան լրագրողների հետ ճեպազրույցում հայտարարել է, որ պաշտպանության նախարարությունը շարունակելու է բարեփոխումներ իրականացնել եվրաատլանտյան կառույցներին ինտեգրվելու համար.
«Մենք կշարունակենք եվրաատլանտյան ինտեգրումը և այդ ճանապարհին բարեփոխումների իրագործումը պաշտպանական ոլորտում»:
Իզորիան ընդգծել է, որ իր պաշտոնավարման ժամանակ պաշտպանության նախարարությունը շարունակելու է աշխատել երկրի պաշտպանունակության ուժեղացման ուղղությամբ:
Լևան Իզորիան Վրաստանի պաշտպանության նախարարի պաշտոնում նշանակվել էր այն բանից հետո, ինչ այդ պաշտոնից հրաժարական էր տվել Թինատին Խիդաշելին:
