«Այս ամբողջը ցավ է, ցավ է, որ կա ատելություն։ Այս դեպքերը ի հայտ բերեցին խնդիրի մի կծիկ, որը հայտնի չէ, թե ինչպես է հանգուցալուծվելոը։ Ստեղծված վիճակը ցույց տվեց այն պրոբլեմները, որոնք մենք ունենք, այն վիճակը, որը չէր կարող շարունակվել»,-անդրադառնալով «Սասնա ծռեր» խմբի այս օրերի գործողություններին, կարծիք հայտնեց «Ազգ» օրաթերթի գլխավոր խմբագիր Հակոբ Ավետիքյանը։
Ավետիքյանի խոսքով Հայաստանը այն հարթակը չէ, իսկ զինված խմբի անդամները Ռեմբոներ կամ չեգեվարաներ չեն, որոնք իրենց այդպես են պատկերացնում։ «Սարսափելի վատ տպավորություն թողեց պատանդների ազատ արձակման օրը, պատանդների դեմքերը։ Ես ցավ ապրեցի, որ այս դեպքերը իմ երկրում են կատարվում»,-նկատեց Ավետիքյանը։ Նրա խոսքով Հայաստանը չպետք է համեմատվի արաբական երկրների հետ, Լիբանանի, կամ Բեյրութի հետ, որտեղ հարցերը լուծվում են զենքի միջոցով։ «Ստորացուցիչ բան է, երբ տեսնում ես, որ դու պետություն ունես, կառույցներ ունեց, բայց ինչ որ տղաներ զինված պատանդներ են վերցնում, հետո բաց են թողնում, բայց շարունակում են զենք կրել։ Զենքով հաղթանակ չի լինում։ Զենքի ուժով հնարավոր չէ ամեն ինչ գրավել»,-հավելեց Ավետիքյանը։
Մեր զրուցակիցն անդրադառնալով զինված խմբի առաջադրած պահանջներին և դրանց կատարմանը, նկատեց, որ նրանց պահանջները շատ հասարակ են։ «Դա հանցագործ խմբի պահվածք է և պահանջ։ Եթե այսօր կամ վաղը խաղաղ ճանապարհով հարցը չլուծվի, պետք է վճռական քայլերի դիմել»,-ասաց Ավետիքյանը
Առավել մանրամասն՝ տեսանյութում
