ԱՄՆ նախագահ Օբաման այսօր դուստրերի՝ Սաշայի ու Մալիի և կնոջ՝ Միշելի հետ այցելել է Քեյփթաունի Ռոբեն կղզու բանտը, որտեղ Հարավաֆրիկյան Հանրապետությունում ապարտեիդի դեմ պայքարի հերոս Նելսոն Մանդելան անցկացրել է 27 տարվա ազատազրկման 18 տարին: Այս մասին հայտնում է ITAR-TASS-ը:
Օբաման ավելի վաղ արդեն եղել է կղզում, ու այս անգամ որոշել է պատմական վայրը ցույց տալ իր երեխաներին։ «Ինձ համար մեծ պատիվ է այստեղ գալ աղջիկներիս հետ ու նրանց ցույց տալ այդ վայրի ու ամբողջ երկրի պատմությունը»,- ասել է նա:
Ռոբենի բանտում ազատազրկման երկար տարիներ են անցկացրել ապարտեիդի դեմ ռեժիմի շատ մարտիկներ: ՀԱՀ ներկայիս նախագահ Ջեյքոբ Զուման այնտեղ բանտարկված է եղել 10 տարի:
Օբամայի էքսկուրսավարը՝ 84-ամյա Ահմեդ Կատրադան ևս Ռոբենի կղզու նախկին բանտարկյալ է, ով Մանդելայի պես դատապարված է եղել ցմահ բանտարկության ու 18 տարի է անցկացրել կղզում անազատության պայմաններում:
Այսօր Օբաման ելույթ կունենա Քեյփթաունի համալսարանում:
