Bank of America Merrill Lynch-ի փորձագետները ենթադրում են, որ 2016 թվականի գարնանը նավթի համաշխարհային գների աճը սովորական «սեզոնային երևույթ» է՝ պայմանավորված, օրինակ, բենզինի պահանջարկի մեծացմամբ, և որպես հետևանք՝ նավթավերամշակող ընկերությունների հում նավթի նկատմամբ պահանջարկի աճով: Այդ մասին գրում է The Wall Street Journal-ը` հղում կատարելով BofA-ի վերլուծաբաններին:
«Պահանջարկի սեզոնային դինամիկան մնում է ուժեղ գործոն»,- նշում են վերլուծաբանները իրենց կանխագուշակման մեջ:
Պարբերականը նշում է, որ երկրում բենզինի պահանջարկի միջին մակարդակը հունիսի 10-ին ավարտված վերջին չորս շաբաթվա ընթացքում հասել է դիտարկումների ողջ պատմության ընթացքում առավելագույն մակարդակին` կազմելով օրական 9.6 միլիոն բարել: Սակայն փորձագետները կարծում են, որ մինչև 2016 թվականի երրորդ եռամսյակի վերջը այն կնվազի մինչև մեկ բարելի դիմաց 39 դոլար` կապված առավելագույն պահանջարկի ավարտի հետ:
Ընդ որում՝ BofA-ն վստահ է, որ երրորդ եռամսյակում անկումից հետո, չորրորդում նավթի համաշխարհային գները կրկին կաճեն` վերադառնալով մեկ բարելի դիմաց 54 դոլար ցուցանիշին:
