Հունաստանի վարչապետ Անտոնիս Սամարասը հայտարարել է, որ ավելի վաղ փակված հունական ռադիոկայանը՝ ERT հեռուստատեսությունն արդեն երկար ժամանակ է՝ տեղեկատվության միջոց չէ բնակչության համար, մասնավորապես՝ դրանք չեն լուսաբանել կարևոր արտասահմանյան այցերը: Նրա խոսքով՝ ERT-ի խնդիրը ոչ թե լրագրողներն են, այլ ղեկավարության` բարեփոխումների ժամանակ մենաշնորհը պահպանելու փորձը: Այս մասին հաղորդում է RIA Novosti-ն:
Նրա խոսքով` պետք է ստեղծել ժամանակակից առողջ հեռուստառադիոհեռարձակող կազմակերպություն, որը կգտնվի հասարակության, այլ ոչ թե կուսակցության վերահսկողության տակ:
«Խնդիրն այն է, որ բարեփոխումներն առաջ տանելու համար մեզ անհրաժեշտ է հույն ժողովրդի աջակցությունը»,- ասել է Սամարասը:
Հունիսի 11-ին ERT-ն փակելը երկրում առաջացրել է քաղաքական ճգնաժամ. կառավարության որոշմանն աջակցել է միան Սամարասի «Նոր ժողովրդավարություն» կուսակցությունը: ԶԼՄ-ները գործադուլ են հայտարարել հունիսի 12-ից:
Եթե երկուշաբթի լուծում չգտնվի, կարող են հայտարարվել արտահերթ ընտրություններ:
