Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևորագույն գործերով ավագ քննիչ Արտաշես Վանյանի կողից նյութեր են նախապատրաստվում այսօր Երևանում տեղի ունեցած վրաերթի փաստով:
Ժամը 12:30-ի սահմաններում Երևան քաղաքի Նոր Արեշ 19 փողոցի բնակիչ 18 ամյա Տիրան Ավետիսյանը վարելով BMW մակնիշի 35 ՕD 543 համարանիշի ավտոմեքենան, Այվազովսկի փողոցի թիվ 45/5 հասցեի դիմաց վրաերթի է ենթարկել հետիոտն, Երևան քաղաքի բնակիչ 73 ամյա Ժանոր Պատրիկյանին:
Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը տեղափոխվել է Էրեբունի բժշկական կենտրոն:
Տ. Ավետիսյանը սովորում է Հայաստանի պետական ագրարային համալսարանի 1-ին կուրսում, և նա վարորդական իրավունք չի ունեցել: Վրաերթի ենթարկվածը աշխատում է Երևանի քաղաքապետարանի բնակչության հատուկ սպասարկում ՍՊԸ-ում ՝ թաղման բյուրոյում:
