Սիրիայի Հալեպ քաղաքում մեկ օրում գրանցվել է հրադադարի երեք խախտում: Բաբ ալ Ֆարաջ շրջանում աղոթքի ժամանակ Մալյահոնի մզկիթի գնդակոծման հետևանքով զոհվել է 15 և վիրավորվել 50 խաղաղ քաղաքացի, հայտնում է RIA Novosti-ն:
«Ապրիլի 30-ից Լաթաքիա հյուսիսային շրջաններում և Դամասկոսի Արևելյան Գուտա արվարձանում մտցված «լռության ռեժիմը» պահպանվում է: Մեկ օրում Հալեպ քաղաքում գրանցվել է կրակի դադարեցման ռեժիմի երեք խախտում»,- նշված է Սիրիայի հրադադարի ռուսական կենտրոնի տեղեկատվական բյուլետենում:
Կենտրոնի տվյալներով` «Լիվա ալ-Ֆաթհ» և «Լիվա Ահրար Հալֆայա» խմբավորումների զինյալներն ականանետերից գնդակոծել են Մեյդան և Էլ-Մուհաֆազա շրջանները, այդ թվում՝ մզկիթը:
