Լոնդոնի Թրաֆալգար հրապարակում վերստեղծել են սիրիական Պալմիրայում ԴԱԻՇ-ի գրոհայինների կողմից ավերված Հաղթական կամարի կրկնօրինակը: Այս մասին հայտնում է BBC-ն:
Անցած տարվա հոկտեմբերին հաղորդվում էր, որ ԴԱԻՇ-ի գրոհայինները պայթեցրել են հռոմեական ժամանակաշրջանի անտիկ Հաղթական կամարը Պալմիրայի պատմական հատվածում:
ԶԼՄ-ների տեղեկությամբ՝ կամարի կրկնօրինակը ստեղծվել է եգիպտական մարմարից 3D-տեխնոլոգիաների կիրառմամբ՝ հուշարձանի բնօրինակի լուսանկարների հիման վրա: Կրկնօրինակը Թրաֆալգար հրապարակում կմնա 3 օր, որից հետո այն կտեղափոխեն աշխարհի այլ քաղաքներ՝ ներառյալ Նյու Յորք և Դուբայ: Նախատեսվում է, որ այն Պալմիրա կհասցնեն հաջորդ տարի:
