Գազավորված քաղցր ըմպելիքի օգտագործումը կարող է նպաստել միզանոթային հիվանդությունների զարգացմանը, նշում են ամերիկացի գիտնականները, որոնց աշխատանքը հրապարակվել է Clinical Journal of the American Society of Nephrology ամսագրում:
Նման հիվանդությունների դեպքում սովորաբար խորհուրդ է տրվում շատ հեղուկ օգտագործել նոր քարերի առաջացումից խուսափելու համար, և գիտնականները պարզել են, թե այդ նպատակով ինչ հեղուկ է խորհուրդ տրվում խմել:
Գիտնականները պարզել են, որ ոչ բոլոր ըմպելիքներն են օգտակար միզաքարային հիվանդությունների համար: «Պարզել ենք, որ քաղցր ըմպելիքների օգտագործումը կապված է հիվանդության մեծ թվով դեպքերի հետ»,- ասում է բժշկական գիտությունների դոկտոր Գարիո Գուրյանը Բոստոնի Brigham and Women’s Hospital-ից:
Գիտնականների խոսքով՝ տղամարդկանց մոտ 20 ու կանանց 10 տոկոսը կյանքում գոնե մեկ անգամ բախվել են միզաքարային հիվանդությունների:
Մասնագետներն ուսումնասիրել են ամերիկացի ավելի քան 194 հիվանդների: Պարզվել է, որ այն հիվանդները, որոնք խմել են օրական 1 բաժին գազավորված ըմպելիքից ավելի, 23%-ով ավելի են ձեռք բերել միզաքարային հիվանդություններ:
Հետազոտության հեղինակները պարզել են, որ սուրճը, թեյն ու նարնջի հյութը ավելի քիչ են նպաստում երիկամաքարերի առաջացմանը:
