Մեքսիկայի մայրաքաղաքում Հռոմի պապին ողջունելու համար մոտ 230 հազար մարդ էր հավաքվել փողոցներում և կենտրոնական հրապարակում՝ տեղեկացնում է tass.ru-ն:
Հռոմի կաթոլիկ եկեղեցու առաջնորդի առաջին առաքելական այցը սկսվեց հանդիսավոր արարողությամբ քաղաքի պատմական կենտրոնի Սոկալո հրապարակում գտնվող Ազգային պալատում, որից հետո Հռոմի Ֆրանցիսկոս պապը, Սուրբ Մարիամ Աստվածածնի Վերափոխման տաճարում հանդիպում ունեցավ մեքսիկացի եպիսկոպոսների հետ:
Սոկալում մոտ 50 հազար մարդ էր հավաքվել, նրանցից շատերը պապին տեսնելու համար գիշերն անց են կացրել հրապարակում՝ բաց երկնքի տակ, ևս 180 հազար մարդ հավաքվել են այն երթուղու երկայնքով, որով պիտի անցներ պապը:
Կիրակի օրը Հռոմի պապը պատարագ կմատուցի Մեխիկոյի աղքատ արվարձանում՝ Էքաթեփեքեում, որտեղ ներկա կլինի մոտ 2 մլն մարդ: Հաջորդ օրը նա կմեկնի հարավային Չյափաս նահանգ հնդկացի բնակչության ներկայացուցիչների հետ հանդիպելու համար:
https://youtu.be/fd64n4NpCyw
