Starslife.ru-ի փոխանցմամբ՝ Անջելինա Ջոլին իրեն գտել է նաև որպես ռեժիսոր։ Այժմ կինոյի նախկին աստղին հնարավոր կլինի տեսնել նաև տեսախցիկից այն կողմ, ինչը անկասկած չի կարող չուրախացնել Ջոլիին։ Վերջին տարիներին Ջոլին նկարահանել է արդեն 3 ֆիլմ և չի պատրաստվում կանգ առնել։
«Լազուր ափ» դրամայի հեղինակն այժմ աշխատում է կիսափաստագրական «Նրանք նախ սպանեցին իմ հորը» ֆիլմի վրա, որը նվիրված է Կամբոջայում Կարմիր կխմերների կառավարման ժամանակաշրջանին։
Այդ նախագծի շուրջ աշխատանքները թեժ փուլում են, սակայն դա Ջոլիին չի խանգարում մտածել նոր նախագծերի մասին։ Հայտնի է դարձել, որ Ջոլիի հաջորդ ֆիլմը նվիրված կլինի Սելին Դիոնի ու Ռենե Անժելիլի կյանքի ու սիրո պատմությանը։ Աղբյուրները հայտնում են, որ Ջոլին պլանավորում է այցելել նորաթուխ այրուն՝ քննարկելու համար ֆիլմի բոլոր մանրամասները։ Ջոլին մեծ հույսեր է կապում, որ Դիոնն ակտիվորեն կմասնակցի ֆիլմի ստեղծմանը, ընդ որում՝ ոչ միայն որպես խորհրդատու, այլև կնկարահանվի նրանում։ Սելին Դիոնն իր ապագա ամուսնու հետ ծանոթացել է 12 տարեկանում։ Այդ ժամանակ Անջելիլը 38 տարեկան էր։ Նրանք սկսել են հանդիպել այն ժամանակ, երբ Սելինը 19, իսկ Ռենեն 45 տարեկան էր։
1991 թվականին նրանք նշանվեցին, իսկ երեք տարի անց ամուսնացան։ Նրանք ունեն երեք զավակ։ 2015 թվականի հունվարին Ռենե Անջելիլը մահացավ քաղցկեղից։
