ԵՄ-ն չի եղել «Հարավային հոսք» գազատարից հրաժարվելու նախաձեռնողը, սակայն նախագծի հնարավոր վերսկսման դեպքում դրա իրագործումը հնարավոր է միայն երրորդ էներգափաթեթի նորմերի լրիվ պահպանման դեպքում: Այս մասին RIA Nօvosti-ին ասել է ՌԴ-ում ԵՄ դեսպան Վիգաուդաս Ուշացկասը:
«Ինչպես գիտեք՝ ԵՄ-ն չի որոշում ընդունել հրաժարվել «Հարավային հոսք» նախագծի իրագործումից: Մենք, ինչպեսև նախկինում, հավատարիմ ենք մնում էներգառեսուրսների մատակարարումների երթուղիների և աղբյուրների դիվերսիֆիկացման սկզբունքին: Եթե նախագիծը վերսկսվի, դրա իրագործումը պետք է ընթանա երրորդ էներգափաթեթի և ԵՄ այլ օրենսդրական ակտերի լրիվ պահպանմամբ»,- հայտարարել է Ուշացկասը:
Դեկտեմբերի սկզբին Ռուսաստանի նախագահ Վլադիմիր Պուտինը Թուրքիայում բանակցությունների ժամանակ հայտարարել է, որ Ռուսաստանը ներկայիս պայմաններում չի կարող շարունակել «Հարավային հոսք» նախագծի իրականացումը, այդ թվում նաև ԵՄ-ի ոչ կառուցողական դիրքորոշման պատճառով: Ավելի ուշ «Գազպրոմի» ղեկավար Ալեքսեյ Միլլերը հաստատեց, որ «Հարավային հոսք» նախագիծը փակ է: ԵՄ-ն հանդես է եկել գազատարի շինարարության դեմ, քանի որ երրորդ էներգափաթեթի համաձայն՝ նույն ընկերությանն արգելված է համատեղել գազի արտադրությունն ու փոխադրումը: Իսկ Ռուսաստանը նշել է, որ գազատարի վերաբերյալ միջկառավարական համաձայնագրեր են ստորագրվել, որոնց կարգավիճակը բարձր է էներգափաթեթից, բացի դրանից՝ դրանք կնքվել են դրա ընդունումից առաջ:
