Նախորդ շաբաթ Սիրիային սահմանակից թուրքական Ռեյհանլը քաղաքում տեղի ունեցած պայթյունների հետևանքով 51 մարդ է զոհվել։ Այս մասին հայտարարել է Թուրքիայի կառավարության ղեկավար Ռեջեբ Թայիփ Էրդողանը:
Եվս 48 մարդ հոսպիտալացված է, որոնցից 17-ի վիճակը ծանր է:
Վարչապետի խոսքերով՝ այս ահաբեկչությունների հետևում կանգնած են Սիրիայի կառավարության հետ կապ ունեցող Թուրքիայի քաղաքացիներ:
«Վաղ թե ուշ մենք կստիպենք ահաբեկիչներին վճարել դրա համար: Փառք Աստծո, մենք դրա հնարավորությունն ունենք: Սակայն, ինչպես հարիր է հզոր տերություններին, մենք կգործենք հանգիստ և սթափ գլխով»,- ընդգծել է Էրդողանը:
Նա նաև նշել է, որ ներկայումս Թուրքիայի 13 քաղաքացիներ կասկածվում են ահաբեկչության մեջ: Իսկ ևս 3 կասկածյալ՝ 2 սիրիացի և Թուրքիայի 1 քաղաքացի, թաքնվում են Սիրիայի տարածքում, հաղորդում է Interfax-ը:
