Բրազիլական «Սանթոս»-ի նախկին նախագահ Վիսենտե Կասկիոնեն խոսել է Նեյմարի՝ Մյունխենի «Բավարիա» հավանական տեղափոխության մասին:
«Նեյմարն արդեն պայմանագիր է կնքել «Բավարիա»-ի հետ: Այդ գործարքն արդեն ստորագրված է: Այնպես որ, նա չի տեղափոխվելու «Ռեալ» կամ «Բարսելոնա»: Օգոստոսին Նեյմարը պաշտոնապես կդառնա «Բավարիա»-ի խաղացող:
Բոլոր նրանք, ովքեր չեն հավատում այս տեղեկատվությանը, կարող են սպասել և համոզվել, որ դա իրականություն է»,- Twitter-ի իր էջում գրել է Կասկիոնեն:
Հավելենք, որ ավելի վաղ տեղեկատվություն էր տարածվել, որ բրազիլացի հարձակվողը նախնական պայմանագիր է կնքել «Բարսելոնա»-ի հետ, իսկ «Ռեալ»-ը պատրաստ է նրա տրանսֆերի դիմաց 100 մլն եվրո վճարել:
