ԴԱԻՇ-ի կողմից տարածված քարոզչական տեսահոլովակը, որը սպառնալիքներ է պարունակող եվրոպացիների հասցեին, միայն խայտառակում է ահաբեկիչներին: Այդ մասին հայտարարել է Ֆրանսիայի նախագահ Ֆրանսուա Օլանդը, գրում է TASS-ը:
«Մեզ ոչինչ չի վախեցնում, ոչ մի սպառնալիք չի կարող Ֆրանսիային տատանել ահաբեկիչների դեմ պայքարի իր գործողություններում»,- ընդգծել է նա՝ ելույթ ունենալով լրագրողների առջև Նյու Դելիի նախագահական պալատում:
«Այդ դրվագները միայն խայտառակում են հենց իրենց` հանցագործություն կատարողներին»,- ավելացրել է նա:
Ավելի վաղ լրատվամիջոցները հաղորդել են ԴԱԻՇ-ի տարածած տեսանյութի մասին, որում ցուցադրված են, իբր, Փարիզի ահաբեկչություններին մասնակցած 9 ահաբեկիչները: Տեսանյութում նաև եղել են մահապատժի տեսարաններ և Մեծ Բրիտանիայի վարչապետ Դևիդ Քեմերոնին ուղղված սպառնալիքներ:
