Մայիսի 2-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:
Որոշվեց`
27/04/13թ. «Արարատ»-«Իմպուլս» (ԲԽ12-13153) խաղին «Իմպուլս» թիմի ֆուտբոլիստ Ռումյան Հովսեփյանի (N 4221) հեռացման (նույն խաղում 2 զգուշացում) համար, ՀՖՖ-ի կարգապահական կանոնակարգի 16-րդ հոդվածի 4-րդ կետի համաձայն` որակազրկել 1 խաղով, «Էրեբունի-Դիլիջան» մարզական ակումբին տուգանել 25000 դրամով:
27/04/13թ. «Շիրակ»-«Բանանց» (ԲԽ12-13155) խաղին «Բանանց» թիմի ֆուտբոլիստ Նաիրի Մինասյանի (N 6327) հեռացման, մրցակցին դարպասը գրավելու ակնհայտ հնարավորությունից զրկելու համար, ՀՖՖ-ի կարգապահական կանոնակարգի 16-րդ հոդվածի 5-րդ կետի համաձայն` որակազրկել 1 խաղով, «Բանանց» ֆուտբոլային ակումբին տուգանել 30000 դրամով:
27/04/13թ. «Գանձասար»-«Փյունիկ» (ԲԽ12-13156) խաղին «Գանձասար» թիմի ֆուտբոլիստ Վիլիամ Օլիվեիրա Պոտակերի (N 23117) հեռացման, մրցավարին հայհոյելու և ծեծկռտուքի համար, ՀՖՖ-ի կարգապահական կանոնակարգի 16-րդ հոդվածի 13-րդ և 10 կետի համաձայն` որակազրկել 10 խաղով, «Գանձասար» ֆուտբոլային ակումբին տուգանել 200000 դրամով:
27/04/13թ. «Գանձասար»-«Փյունիկ» (ԲԽ12-13156) խաղին «Փյունիկ» թիմի ֆուտբոլիստ Գագիկ Պողոսյանի (N 6471) ծեծկռտուքի համար, ՀՖՖ-ի կարգապահական կանոնակարգի 16-րդ հոդվածի 10-րդ կետի համաձայն` որակազրկել 7 խաղով, «Փյունիկ» ֆուտբոլային ակումբին տուգանել 150000 դրամով:
26/04/13թ. «Մետալուրգ-97»-«Նիգ-Ապարան-97» (16Բ059) խաղին «Մետալուրգ-97» թիմի ֆուտբոլիստ Սևադա Խաչատրյանի (N 18231) հեռացման (մրցակցին ակնհայտ գոլային հնարավորությունից զրկելու համար) համար, ՀՖՖ-ի կարգապահական կանոնակարգի 19-րդ հոդվածի 5-րդ կետի համաձայն` որակազրկել 1 խաղով, «Մետալուրգ» ֆուտբոլային ակումբին տուգանել 2000 դրամով:
28/04/13թ. «Շահումյան-ֆզ»-«Թալգրիգ-ֆզ» (Ֆ12-13033) խաղին մարզահրապարակ կրակայրիչ նետելու համար, ՀՖՖ-ի կարգապահական կանոնակարգի 20-րդ հոդվածի 10-րդ կետի համաձայն` Շահումյան ֆուտբոլային ակումբ հասարակական կազմակերպությունը տուգանել 5000 դրաով:
