Ռուսական RIA Novosti լրատվական գործակալության փոխանցմամբ՝ Նեշվիլում (ԱՄՆ) գտնվող Վանդերբիլտի համալսարանի ինժեներները NASA-ի պատվերով ստեղծել են անսովոր աստղադիտակ, որի գլխավոր նպատակն աստերոիդների ընդերքի ուսումնասիրումն է՝ դրանում ոսկի կամ օգտակար այլ հանածոներ հայտնաբերելու համար։ Աստղադիտակը դա պետք է անի գալակտիկական գամա ճառագայթման միջոցով։ Այս մասին նշված է SPIE Newsroom պարբերականում հրապարակված հոդվածում։
Համալսարանի ներկայացուցիչ Քեյվան Ստասունը հայտարարել է, որ դեպի Մարս, Լուսին ու Մերկուրի ուղարկված առաքելությունը պահանջում է ամիսների դիտարկումներ ու մեծ ծախսեր՝ ուսումնասիրվող երկնային մարմինների մակերևույթին օգտակար հանածոների քարտեզը կազմելու համար, մինչդեռ իրենց ստեղծած աստղադիտակը հնարավորություն կտա շատ մեծ ճշգրտությամբ ու ոչ մեծ ծախսերով պարզել այդ մարմինների ընդերքը։
