Ահազանգ. Իշխանությունը քարոզչություն է իրականացնում բուհերում, պետական հաստատություններում

Սահմանադրական բարեփոխումների հանրաքվեի քարոզչության մեկնարկից 4 օր անց բարձրաձայնվում է իշխանության կողմից վարչական լծակների կիրառման մասին։ «Այո»-ի քարոզչություն է իրականացվում բուհերում, պետական հաստատություններում։

Վարչական լծակների կիրառմամբ «Այո»-ի քարոզչություն իրականացվում է նաև Գյումրիում։

Բարսեղյանի խոսքով, սակայն, գյումրեցին այդքան էլ միամիտ չէ:

Ըստ «Ասպարեզ» ակումբի՝ նախագահի վարչական լծակների կիրառումից զատ անհամեմատ մեծ խնդիր է մարզպետներին, վարչապետին և այլ պաշտոնյաների «Այո»-ի շտաբի աշխատանքներում ընդգրկելը։

Ընդդիմադիր ՀԱԿ խմբակցության պատգամավոր Արամ Մանուկյանը մեզ հետ զրույցում ուշադրություն հրավիրեց ԵԱՀԿ/ԺՀՄԻԳ-ի 2013 թվականի նախագահական ընտրություններին վերաբերող ամփոփիչ զեկույցի վրա, որտեղ բարձրաձայնվում է վարչական լծակների կիրառման մասին։

Արամ Մանուկյանը կարծում է, որ միջազգային կառույցները, դիտորդները այս անգամ էլ պետք է արձանագրեն վարչական լծակների կիրառման փաստերը, որոնց արդյունքում քարոզչությունը գնում է ոչ հավասար պայմաններում։